• 02 Հու
• 2022

Արմեն Դարբինյանն ընտրվել է ՌԴ Գիտությունների ակադեմիայի արտասահմանյան անդամ

Որոշումը կայացվել է Ռուսաստանի Դաշնության Գիտությունների ակադեմիայի ընդհանուր ժողովում:

Հայ-Ռուսական համալսարանի ռեկտոր, պրոֆեսոր Արմեն Դարբինյանն ընտրվել է Ռուսաստանի Դաշնության Գիտությունների ակադեմիայի արտասահմանյան անդամ գլոբալ խնդիրների և միջազգային հարաբերությունների գծով («Համաշխարհային տնտեսություն» ուղղությամբ): 

Որոշումը կայացվել է հունիսի 1-ին կայացած ՌԳԱ-ի ընդհանուր ժողովում:

Ռուսաստանի Դաշնության Գիտությունների ակադեմիայի անդամների ընտրությունները, որոնք առաջինն են 2019թ․-ից հետո, ընթանում են հունիսի 1-3-ը Մոսկվայում, որի ավարտից հետո ՌԳԱ-ի ընդհանուր ժողովը կհայտարարի նոր անդամների անունները։ ՌԳԱ-ի նոր կազմն իր նախագահին կընտրի ընթացիկ տարվա սեպտեմբերին։